أربعون يوما فى الجبس .. قصة قصيرة بقلم الأستاذ/ محمد فهمى

أربعون يوما فى الجبس         بقلم محمد فهمى

صباح الخير ياأبو محمد . صباح النور ... خيرإن شاء الله خير يا خويا عملت أيه فى موضوع الخروف "فاضل ثلاثة أيام  على العيد والخروف لسة مجاش ...  يا صباح يا عليم يا رزاق يا كريم أصبحنا وأصبح الملك لله " قالها بصوت خفيض ."  بتقول آيه يا راجل سمعنى . مبقولش حاجة . حاضر حكلم واحد صاحبى معرفة يشوف لنا خروف على القد ... " نعم " وضعت يدها فى وسطها "  على القد ... إنت ناوى تكسفنى  قدام أهلى زى السنة اللى فاتت وتجيب خروف  صغير كان ديك الجيران  أكبرمنه . أنا عاوزة خروف كبير يشرف زى الخرفان اللى بيجيبها أبو خالد جوز أختى . يا ستى  ظروفنا غير ظروف أبو خالد إحنا ورانا فرح البنت بعد العيد . وطلبات الجامعة لابنك  .  وأنا مالى بالكلام ده اتصرف إنت مش راجل البيت ولا آيه ؟  يعنى أسرق ولا أنهب ولا أعمل آيه ؟ ربنا عليك توكلنا وإليك أنبنا وإليك المصير . نزل أبو محمد على السلم يدعو الله أن يستره وأن يرزقه رزقا حلالا ويستعيذ به من الذل والضلال والجهل . وعلى مدخل العمارة وجد صديقه " الحاج فتحى " الذى له خبرة فى الذبح وتربية الخراف وغيرها )

السلام عليكم يا حاج فتحى . وعليكم السلام يا "أبو محمد" .. كل سنة وأنت طيب وأنت طيب يا "أبو محمد " بقول لك آيه يا حاج فتحى  عاوزين خروف كويس  للعيال . تحت أمرك يا أبو محمد عاوزه بلدى ولا عربى اللى اتشوفه لا اللى إنت عاوزه ...السنة اللى فاتت جبنا واحد بلدى معجبش العيال ... خلاص خليه عربى ده النبى عربى ( العربى غالى شوية ) الخروف الكويس يعمل 3ألاف جنيه . أيه الغلاء ده لا حول ولا قوة إلا بالله . عموما يا أبو محمد اللى عندك عندى أنا رايح نزلة السمان أجيب خروف لى ولاخويا  إبراهيم وأجيب  خروفك معاهم . طيب خد ألفين وبعد.... عيب يا راجل كلك فلوس والله ما تدفع حاجة بعدين خلص إنت موضوع البنت ونتفاهم بعد كده  دى عشرة عمر يا أبومحمد .و كأن أبواب السماء كانت مفتوحة حينما كان يدعو أبو محمد ربه أن يسترها معه ولا يفضحه وأن يرزقه من حيث لا يحتسب . وذهب إلى عمله هاديء النفس مرتاح البال ولكنه قلق على الدين الذى يجب عليه سداده للحاج فتحى . وبعد صلاة الظهر اتصل الحاج فتحى بصديقه أبو محمد بأنه وجد طلبه وسوف يأتى به   ولكن أين سيضعه فى هذين اليومين الباقيين على العيد . اتصل أبو محمد بزوجته . السلام عليكم  . آه " سبع ولا ضبع "  الحمد لله ربنا وفقنا المهم الخروف  فين نحطه اليومين الفاضلين على العيد ؟ طبعا عندنا فى المطبخ ده مطبخنا يشيل عجل ....  ومين يوكله . " أنا طبعا " ملكش دعوة إنت هاتو وبس . حاضر...  اتصل أبو محمد بصديقه الحاج فتحى وأخبره بأنه  سيضع الخروف فى مطبخ البيت وأن زوجته ستقوم برعايته . وبعد العصر وصل الخروف الكبير الذى يشرف العيلة وربطه الحاج فتحى فى المطبخ ونبه الجميع بعدم الاقتراب منه وأن يضعوا له الأكل والماء من بعيد وعاد أبو محمد بعد العشاء ووجد الخروف فى المطبخ وقد وضع له صديقه الحاج فتحى البرسيم والماء الكافيين   ....  أيه رأيكم فى الخروف يا أولاد . قالت العروس والله ما كان وقته يا بابا كفاية عليك مصاريف الفرح والجهاز ربنا يخليك لينا يا  أعظم ـــ وقبلت رأسه ويده ــ . وقال الابن الجامعى  حلو قوى وجامد بكام ده  يا بابا أنا حاخد صورة جنبه وأنزلها علىالفيس بوك لاصحابى . وقالت  الابنة الصغرى أنا خايفة من قرونه طلعوه بره أنا مش حادخل الحمام طول ما الخروف ده هنا . وقالت أمهم سيبوه وابعدوا عنه كلها يومين ونذبحه خلينا ناكل ونأكل الحبايب . نام الجميع ونام الخروف إلا أبو محمد يفكر كيف يسدد ثمن الخروف ؟ وقبل أن تغمض عيناه استيقظت أم محمد وذهبت إلى الحمام وبعد أن  خرجت داست بقدمها على ذيل الخروف فصاح بقوة حاولت أن تسرع خوفا منه فتعثرت فى حباله فوقعت على الأرض .. حملوها إلى المستشفى وأجريت لها الأشعة " كسر فى الذراع الأيمن وقطع أعلى الحاجب وتورم فى الفك السفلى " يلزمها 

أربعون يوما  فى الجبس "                          محمد فهمى