أخته تحب المفاجآت .... قصة قصيرة بقلم الأستاذ / محمد فهمى

أخته تحب المفاجآت  

 قصة قصيرة بقلم محمد فهمى

استلم راتبه من الصراف خرج مهرولا نحو الشارع اليوم سيكون أسعد يوم لى سأشترى لزوجتى هدية وتكون مفاجأة سارة فلم أقدم لها هدية منذ فترة .. ولكن ماذا أشترى لها ؟ ومن أين ؟ ... منشية منشية .. محطة الرمل . نعم محطة الرمل ركب السيارة وجلس فى المقعد الخلفى واستمر فى التفكير ..أشترى لها حذاء .وأنا أعرف مقاس رجليها جيدا فقد خرجت معها كثيرا لشراء أحذية .لا لا ربما لا يعجبها فهى تحب دائما أن تشترى الأحذية بنفسها " أشترى لها " فستانا " .فهى  ..." حد مدفعش ورا " "فى واحد ناقص يا جماعة " دفعه من بجواره برفق " دفعت حضرتك الأجرة ؟ أه ؟ لا لا " واحد محطة الرمل "....  هى كانت تريد أن تشترى عباءة ولكن الألوان والمقاس ." يلا يا جماعة اللى نازل محطة الرمل بسرعة الإشارة حتفتح "

لحظة ... سار متجها إلى الشارع الرئيسى وبدأ يتأمل المحلات والمعارض فوقع بصره على محل أنيق للحقائب الجلدية الراقية الحمد لله حقيبة جميلة أجمل مفاجأة ..تجول فى المحل بهدوء .. فتاة أنيقة تقدمت إليه  " السلام عليكم يا افندم " وعليكم السلام .. حضرتك اخترت حاجة ؟ لا والله ..                        ممكن أساعد حضرتك ؟ تفضلى  هى زوجة حضرتك بتشتغل آيه ؟ ........ أجمل حاجة تناسبها " هذه" هى فعلا جميلة ولكن عندها أ ختها " وقع بصرى على حقيبة فريدة فقلت ما  رأيك فى هذه ؟ ذوق حضرتك رائع وهذه آخر واحدة ...  أشكرك  .بكام ؟ ب 99.99ج متقولي  مية وخلاص .. نعم يا افندم ؛لا مفيش حاجة  .... اتفضلى .. السلام عليكم وعليكم السلام شرفتنا يا افندم  مع الف سلامة . دقات قلبه تزداد من فرط السعادة يا لها من لحظة جميلة حين تجد أمنيتك فى سعادة من تحب وكأن الحقيبة سيحملها هو مرت ساعة  كالسلحفاة والازدحام يزداد وحرارة الشمس ترتفع ولكنها لا تؤثر .. فهو يرسم لحظة السعادة فى خياله حين يقدم هديته  الأنيقة .. درج السلم يخطوه سريعا وكأنه يقفز دق الجرس ..فتح الباب ... مارأيك ؟ آيه ده ؟ شوفى مفاجأة ... آيه ده شنطة  ....بلدى بلدى بلدى . آيه بلدى ؟ طبعا ذوقها سييء جدا . منين دى ؟ من محطة الرمل .. مش ممكن دى مالية سوق العصافرة على الرصيف .. آيه والله من أرقى محل فى محطة الرمل . لا لا ما احبش الشكل ده رجعها وبكام ... ب 100ج غالية قوى ضحكوا عليك .. عاد ينفخ أوداجه ويلملم خيبته فى المفاجأة التى لا تحبها زوجته وبخطا ملتاثة ونفس منكسرة دخل المحل . السلام عليكم وعليكم السلام خير يا افندم .. خير أنا آسف المفاجأة لم تعجب زوجتى .. آسفين يا افندم حضرتك " مقريتش المكتوب على المحل ؟ لا " البضاعة المباعة لا ترد ولا تستبدل " ولا يهمك.. وقف لحظة وابتسم تذكر أن أخته تحب المفاجآت ....